Inligting Boodskappe: 4588 Geregistreer: November 2018
Karma: 1
Senior Lid
Auckland was 'n militêre dorp in die vallei van die Tyumierivier op die vroeëre oosgrens in die Kaapkolonie. Gestig in 1848 en vernoem na dorp in Engeland. Kersdag 1850 is dit oorval en verwoes deur swartes en is al die manskappe gedood. Dit is nooit herbou nie.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
Inligting Boodskappe: 4588 Geregistreer: November 2018
Karma: 1
Senior Lid
Uitsig oor Auckland. Auckland is die grootste stad in Nieu-Seeland en hoofstad van die provinsie Auckland (Noord-Eiland). Die stad beskik oor ’n uitstekende en bedrywige hawe. Industrieë sluit in die vervaardiging van glas, skeepstimmerwerwe en suikerraffinaderye.
Die Stad van Seile, soos Auckland dikwels genoem word, is op 'n smal landengte tussen twee natuurlike seehawens geleë – een aan die oostekant aan die Stille Oseaan, die ander aan die Tasmansee in die weste. Dié grond is in 1840 deur goewerneur Hobson namens die Britse Kroon van die Māori gekoop vir 55 pond goud, asook 'n aantal komberse, hemde, musse, byle, ysterpotte, tabak, pype, 'n pakkie suiker, 'n sak meel en ander goedere. 'n Verdere ses pond goud is in die volgende jaar betaal. Die Māori het in ruil hiervoor 1200 hektaar grond afgestaan wat van Freemans Bay tot Parnell en landinwaarts tot Mount Eden gestrek het.
Bron: Die Afrikaanse Kernensiklopedie, J.P. Scannell (red.), 1965
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
