| voorstel [boodskap #127343] |
Sa, 03 Augustus 2019 08:31 |
 |
Leksikograaf
Boodskappe: 19333
Geregistreer: Maart 2019
Karma: 1
|
Senior Lid |
|
|
voorstel
Afbreking: voor•stel
Werkwoord: stel voor, voorstel
Verlede tyd: het voorgestel
Betekenis:
• 'n Idee of plan vir nadenke voorlê; aan die hand doen; mosie indien.
• Name met eerste kennismaking uitruil; bekendstel.
• Beeld iets uit; 'n voorstelling van iets.
• Indink en verbeel; 'n denkbeeld van iets vorm.
Gebruik:
• Die kinders moet idees vir die klasprojek voorstel.
• Hy het my aan sy vriende voorgestel.
• Die skildery stel die laaste maaltyd van Jesus saam met sy dissipels voor.
• Kan jy jou dit voorstel?
Spreekwoord:
• Ek sal my skoenmaker aan jou kleremaker voorstel. [Ek sal jou skop.]
Vertaling:
Engels: to suggest, propose; to introduce; to represent; to imagine
Nederlands: voorstellen
Selfstandige naamwoord: voorstel
Meervoud: voorstelle
Verkleinwoord: voorstelletjie
Meervoud van verkleining: voorstelletjies
Betekenis:
• 'n Idee of plan vir reaksie voorlê; wenk; suggestie.
• Die voorste deel van 'n rytuig se onderstel.
Gebruik:
• Sy voorstel is op die vergadering aanvaar. Dit is die beste voorstel nog!
• Die motor se voorstel is tydens die botsing beskadig.
Vertaling:
Engels: suggestion, proposal
Nederlands: voorstel
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
