Supertaal: Woordeboek

Tuis » Taal » Woordeboek » kus

Wys: Vandag se boodskappe :: Stemmings :: Navigasie

kus [boodskap #126074]

Wo, 22 Mei 2019 06:22

Leksikograaf
Boodskappe: 18916
Geregistreer: Maart 2019

Karma: 1

Senior Lid

kus
Afbreking: kus

Werkwoord: kus
Verlede tyd: het gekus
Teenwoordige deelwoord: kussende

Betekenis:
• Met die lippe aanraak; 'n soen gee.

Gebruik:
• Hy kus haar op die voorkop.
• Sy steek 'n hand na hom uit, en vir 'n oomblik oorweeg hy om dit galant te kus.

Sinoniem:
• soen

Afgelei:
• Judaskus

Vertaling:
Engels: to kiss
Nederlands: kussen

Selfstandige naamwoord: kus
Meervoud: kusse
Verkleinwoord: kussie
Meervoud van verkleining: kussies

Betekenis:
• Liefkosende aanraking met die lippe.

Gebruik:
• Sy groet hom met 'n kus op die voorkop.
• Sy vou haar armpies om die ou man se nek, hy bedek haar gesiggie met kusse.

Sinoniem:
• soen

Vertaling:
Engels: kiss
Nederlands: kus

Selfstandige naamwoord: kus
Meervoud: kuste
Verkleinwoord: kussie
Meervoud van verkleining: kussies

Betekenis:
• 'n Strook land wat aan die see grens.

Gebruik:
• Vasco da Gama het onderweg na Indië langs die kus van Suider-Afrika gevaar.
• In 1862 word 'n pad vanaf die kopermyne na Hondeklipbaai aan die kus gebou.

Afgelei:
• kusbewoner
• kusdorpie
• kusgebied
• kusklimaat
• kuslangs
• kusvoël
• kuswind

Vertaling:
Engels: coast, seaside, shore, shoreline, seashore
Nederlands: kust

Nota:
• Die woord word ook gebruik in die uitdrukking: Te kus en te keur, waar dit "kies" beteken.

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Vorige onderwerp:	gebring
Volgende onderwerp:	hoof

Gaan na forum:

-=] terug na bo [=-

[ XML-voer ] [

]

Tyd nou: Wo Mei 08 05:39:09 MGT 2024