Inligting Boodskappe: 4588 Geregistreer: November 2018
Karma: 1
Senior Lid
Sholem Asch in 1940.Sjalom Asch (1880-1957) was Pools-Jiddisje skrywer wie se werke die probleme van die Jode in die 20ste eeu behandel. Die belangrikste hiervan sluit in: ’n Pogrom, Die Nasarener en God van Wraak.
Asch is as Szulim Asz in 'n gesin van tien kinders gebore. Op 34 vertrek hy na Amerika, waar sy boeke dikwels topverkopers was, veral nadat hulle vir die eerste keer uit Jiddisj in Engels en ander tale vertaal is. Sy romans, novelles en toneelstukke oor die lewe van die Jode, wat in sowel die hede as die verlede afspeel, is in breë kring waardeer. Hy was veral bekend vir sy Bybelverhale soos die Nasarener, die Apostel en Maria (1949). Asch het al vroeg die gevaar van nasionaal-sosialisme verstaan, waarteen hy sterk gekant was. Dit bring hom in kontak met Hendrik Willem van Loon, by wie hy dikwels aan huis gegaan het. Saam publiseer hulle anti-Hitler geskrifte, wat in 1941 o.a. sy geloofsbelydenis "What I Believe" oplewer. Sjalom is in Londen oorlede, maar hy het sy laaste jare in beide Israel en Engeland gewoon. Sy huis in Israel is in 'n museum omskep.
Bron: Die Afrikaanse Kernensiklopedie, J.P. Scannell (red.), 1965
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
