Leksikograaf Boodskappe: 18989 Geregistreer: Maart 2019
Karma: 1
Senior Lid
voor
Afbreking: voor
Uitspraak: /fʊə̯r/
Voorsetsel: voor
Betekenis:
• In posisie eerder as iets of iemand anders.
• In tyd vroeër as iets of iemand anders.
• Terwyl ander daar is.
Gebruik:
• Jy kan voor my in die ry staan. Volgens alfabet kom dié woord voor daai woord.
• Ek was voor jou hier.
• Hy hou nie daarvan om voor ander te praat nie.
Spreekwoord:
• Dit gaan voor die wind. [Voorspoedig.]
• Ons kry die wind van voor. [Met teenstand te doen kry.]
• Steek 'n stokkie daar voor. ['n End maak daaraan.]
• Die kar voor die perde span. [n Saak verkeerd / agterstevoor aanpak.]
• Die stilte voor die storm. [Kalmte voor met krag opgetree word.]
• Hef aan lê nog voor. [Die groot moeilikheid kom nog.]
• Hoogmoed kom voor 'n val. ['n Hoogmoedige mens word verneder.]
• Hy draai my 'n rat voor die oë. [Iemand bedrieg.]
• Hy is my 'n kortkop voor. [Net-net voorloop.]
• Iemand voor stok kry. [Iemand berispe.]
• Jy moet voor jou eie stoep vee. [Bemoei jou met jou eie sake.]
• Loop voor die pad vol duwweltjies word. [Loop baie gou.]
• Moenie jou pêrels voor die swyne gooi nie. [Moenie iets doen vir iemand wat jou daad nie werd is of waardeer nie.]
• Hy is oud voor sy tyd. [Soos 'n oumens wees, al is jy nog jonk.]
• Vee eers voor jou eie deur. [Sorg eers vir sake wat jou persoonlik raak.]
• Biltong sny voor die bees geslag is. [Op iets staatmaak wat nog moet gebeur.]
Antoniem:
• agter
• na
Vertaling:
Engels: in front of, before
Nederlands: voor
Bywoord: voor
Betekenis:
• Aan die voorkant van iets.
• Vroeër in die volgorde.
Gebruik:
• Sommige leerders hou daarvan om voor in die klas te sit.
• Hy loop voor se sy loop agter.
Vertaling:
Engels: in front
Nederlands: voor
Voegwoord: voor
Betekenis:
• Dui aan dat iets voor iets anders gebeur.
Gebruik:
• Hy spring weg voor die fluitjie geblaas is.
Vertaling:
Engels: before
Nederlands: voor
Selfstandige naamwoord: voor
Meervoud: vore
Verkleinwoord: voortjie
Meervoud van verkleining: voortjies
Betekenis:
• Sloot, tipies in die grond vir die geleiding van water of die plant van sade.
Gebruik:
• Grawe asseblief 'n voor om die tuin nat te lei.
• Die boer ploeg vore om aartappels te plant.
Afgelei:
• leivoor
• watervoor
Vertaling:
Engels: furrow
Nederlands: voor
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
