Leksikograaf Boodskappe: 18989 Geregistreer: Maart 2019
Karma: 1
Senior Lid
baie
Afbreking: bai•e
Uitspraak: /ˈbɑjə/, /ˈbɑjəŋ/
Bywoord: baie
Vergrotende trap: meer
Oortreffende trap: die meeste
Betekenis:
• In 'n hoë mate; veel; erg; danig.
• Gereeld; dikwels.
Gebruik:
• Sy is baie lief vir my.
• Ons eet baie uit.
Antoniem:
• min
Spreekwoord:
• Daar is baie op die spel. [Baie hang van die afloop van die saak af.]
• Daar sal nog baie water in die see loop. [Nog baie dinge sal gebeur.]
• Daar steek baie in hom. [Hy het goeie hoedanighede.]
• Hy het baie jare agter die rug. [Baie oud.]
• Hy het baie laaie. [Baie streke.]
• Hy het baie op sy kerfstok. [Baie te verantwoord hê.]
• Baie broek, bietjie man. [Grootprater.]
• Baie hande maak ligte werk. [As almal help, is 'n taak maklik.]
• Baie honde is 'n haas se dood. [Deur samewerking kan 'n mens baie dinge verrig.]
• Baie kleintjies maak 'n grote. [Elke bietjie help om 'n groot hoeveelheid bymekaar te kry.]
• Baie mak skape gaan in een kraal. [Vredeliewende mense kan maklik saamwoon.]
• Baie myle lê tussen doen en sê. [n Belofte is nog nie 'n daad nie.]
• Baie pyle in jou koker hê. [Oor baie middele beskik.]
• Hy is 'n jakkals met baie draaie. [Iemand het baie skelmstreke.]
• Niks vir niks en baie min vir 'n sikspens. [Vir alles moet kontant betaal word.]
• Die haan kraai baie harder as die hen wat die eier gelê het. [Gesê van iemand wat hom lof aanmatig wat hom nie toekom nie.]
Vertaling:
Engels: very; often
Nederlands: zeer, erg, heel
Onbepaalde hooftelwoord: baie
Betekenis:
• 'n Groot aantal.
Gebruik:
• Hy het baie vriende gehad.
Sinoniem:
• vele
• talle
Antoniem:
• min
Vertaling:
Engels: a lot; many
Nederlands: veel
Nota:
• Van Maleis: "banyak".
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
