| Wood, Veldmaarskalk Sir Henry Evelyn [boodskap #124641] |
Wo, 23 Januarie 2019 18:02 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Veldmaarskalk Sir Henry Evelyn Wood was 'n Britse soldaat. Op 9 Februarie 1838 in Braintree, Essex gebore. Hy sluit in 1852 as seekadet by die vloot aan en veg in die Krim-oorlog. Hy word swaar verwond en onderskei homself vir dapperheid by Sebastopol. In 1855 gaan hy oor na die Light Dragoons, veg in Indië en die V.C. word in 1859 aan hom toegeken. Hy veg ook in Afrika in 1879 in die Asjanti- en die Zoeloe-oorlog. Na die nederlaag by Amajuba word hy aangestel as opvolger van sir George Colley. Voordat hy egter effektiewe maatreëls kon tref, is ’n wapenstilstand gesluit. Hy het later in ’n kommissie gedien wat onderhandelings gevoer het vir die herstel van die onafhanklikheid van Transvaal. Van 1893 tot 1897 was hy Kwartiermeester-generaal en van 1897 tot 1901, tydens die Tweede Vryheidsoorlog, Adjudant-generaal. Hy het ’n aantal boeke geskryf, onder meer sy outobiografie, From Midshipman to Field Marshal. Op 21 Desember 1919 oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
