| Wolseley, Veldmaarskalk Burggraaf [boodskap #124636] |
Wo, 23 Januarie 2019 17:47 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Garnet Joseph Wolseley was 'n Britse Veldmaarskalk en Burggraaf. In 1833 in Ierland gebore. Hy sluit op 19-jarige ouderdom by die Britse leër aan. In 1873 was hy in bevel van ’n ekspedisie teen die Asjantis aan die weskus van Afrika en in 1875 is hy as generaal in bevelvoerende hoedanigheid in Natal gestasioneer. Hy word as eerste administrateur na Ciprus verplaas, maar word na Suid-Afrika teruggeroep om lord Chelmsford te vervang, na die vroeë Britse nederlae in die Zoeloe-oorlog van 1879. Hoewel die toestand voor sy aankoms herstel is, het hy die veldtog beëindig en die Zoeloekoning, Cetshwayo, gevange geneem. Hy word Goewerneur van Natal en voer ’n nuwe regeringstelsel in Zoeloeland in onder ’n aantal mindere opperhoofde. Intussen is Transvaal die eerste keer geannekseer en op 29 September 1879 word hy aangestel as sy Goewerneur. Hy het ook die langdurige Sekoekoenie-oorlog beëindig en ’n nuwe grondwet vir Transvaal as Kroonkolonie opgestel. Na sy terugkeer na Engeland het Wolseley ’n vername rol gespeel in die hervorming van die Britse leër, ten spyte van baie teenkanting. Van 1895 tot 1899 is hy opperbevelhebber van die Britse leër. Hy skryf ’n aantal boeke, insluitend ’n biografie van die Hertog van Marlborough. In 1913 in Mentone aan die Franse Riviera oorlede. Die dorp Wolseley in die Wes-Kaap is na hom vernoem.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
