| Van Riebeeck, Johan [boodskap #124367] |
Fri, 18 January 2019 20:27 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Van Riebeeck, Johan (Jan) was die eerste Hollandse Kommandeur van die Kaap die Goeie Hoop en volksplanter van Suid-Afrika. Op 21 April 1619 in Culemborg, Holland, gebore uit ’n goeie familie. Hy was op een van die skepe wat die skipbreukelinge gered het van die Haarlem wat in 1647 in Tafelbaai gestrand het. Sy kommentaar op die verslag wat voorgelê is deur die twee leiers van die skipbreukelinge, Leendert Janszen en Matthys Proot, het soveel sin gemaak en was so logies dat hy deur die Nederlandse Oos-Indiese Kompanjie gekies is as Kommandeur van die voorgestelde handelspos in Tafelbaai. Hy het op 24 Desember 1651 uit Holland vertrek en op 6 April 1652 in Tafelbaai aangekom. Daar het hy die eerste fort gebou, groente geplant en ’n hospitaal opgerig. Na baie terugslae het hy daarin geslaag om 'n suksesvolle nedersetting te vestig, maar hy het sy aanstelling as tydelik beskou en het herhaaldelik om ’n verplasing gevra. Dit is eers toegestaan nadat hy 10 jaar aan die Kaap was. Oorlede op 18 Januarie 1677.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
