| Suid-Afrikaanse Uitsaaikorporasie [boodskap #124054] |
Sun, 13 January 2019 09:23 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Die Suid-Afrikaanse Uitsaaikorporasie is 'n statutêre liggaam wat in 1936 in die lewe geroep is om die radiodienste in die Unie en Suidwes-Afrika (nou Namibië) te beheer. Dit is geskoei op die lees van die British Broadcasting Corporation. Voor 1936 was dit bekend as die African Broadcasting Company, ’n private maatskappy gestig deur I.W. Schlesinger. Die hoofkantoor van die SAUK is in Johannesburg en dit word beheer deur 'n Beheerraad van lede wat deur die Staatspresident aangestel word. Lisensiegeld word deur die Poskantoor ingesamel. Die SAUK funksioneer op ’n landswye grondslag en het ateljees en kantore in plekke soos Johannesburg, Kaapstad, Durban, Pretoria, Bloemfontein, Grahamstad, Windhoek, Oos-Londen, Port Elizabeth, Pietermaritzburg en King William’s Town.
Daar was destyds drie programdienste wat landswyd uitgesaai het; ’n Afrikaanse Diens, Engelse Diens en Springbokradio, wat ’n advertensie- diens was. Daarbenewens was daar twee streek-advertensiedienste, Radio Hoëveld van Johannesburg af, en Radio Goeie Hoop van Kaapstad af. ’n Buitelandse diens wat in nege tale na alle dele van die wêreld uitsaai, is op 1 Mei 1966 ingestel. Daar was ook ’n programdiens vir nie-blankes, bekend as Radio Bantu. Dit het in ses tale oor sewe programme uitgesaai. Sien ook Uitsaaiwese en Radiotelegrafie.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
Skakel: http://www.sabc.co.za/
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
