| Shippard, Sir Sidney Godolphin Alexander [boodskap #123795] |
Thu, 10 January 2019 20:07 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Sir Sidney Godolphin Alexander Shippard was 'n Suid-Afrikaanse diplomaat en regsgeleerde. In 1838 in Engeland gebore, ontvang onderwys aan die Kings College School en studeer aan Oxford; in 1867 tot die balie toegelaat. Drie jaar later kom hy na die Kaap, vestig hom in Kimberley en was van 1873 tot 1877 Prokureur-generaal van die kolonie Griekwaland-Wes. Van 1880 tot 1885 regter van die Hooggeregshof van die Kaapkolonie. Hy was ook die Britse Kommissaris in die gesamentlike Brits-Duitse kommissie wat die aansprake van die twee lande op die kus van Namibië (Suidwes-Afrika) ondersoek het. Met die stigting van die eerste howe in Betsjoeanaland is hy aangestel as hooflanddros en president van die Grondkommissie. Van 1885 tot 1895 was hy Adjunk Hoë-Kommissaris vir die Betsjoeanalandse Protektoraat en die Kalahariwoestyn. Hy het baie geskryf oor regsake, onder meer ’n verslag oor die beroemde saak van die biskop van Grahamstad teen Williams in 1879. In 1902 in Engeland oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
