Inligting Boodskappe: 4588 Geregistreer: November 2018
Karma: 1
Senior Lid
Model van 'n selakant.
Die Selakant (Latineria chalumna Smith) is 'n soort primitiewe vis, vroeër slegs bekend in fossielvorm en beskou as uitgesterf. In 1939 het 'n sleepboot naby Oos-Londen 'n 5-voet spesie gevang, helder blou van kleur. Hoewel reeds in gevorderde stadium van ontbinding, is die belangrikste dele bewaar deur die ondernemingsgees van mej. Courtney Latimer van die Oos-Londense Museum en van prof. J.L.B. Smith van die Rhodes Universiteit, Grahamstad. Na 'n 15-jaar lange soektog deur laasgenoemde is nog 'n spesie ontdek naby die Comoro-eilande in die Mosambiek-kanaal. Die Eerste Minister, dr. D.F. Malan, het 'n spesiale vliegtuig gestuur om die vervoer na die Unie te bespoedig. Lewende spesies is sedertdien gevind en daar is vasgestel dat dit deur die plaaslike naturelle geëet word. Die naam, Selakant, is afgelei uit twee Griekse name wat beteken 'hol' en 'stekelrig'.
Bronne:
1. Ensiklopedie van Suidelike Afrika, Eric Rosenthal, 1967
2. Ou Vierpoot - die verhaal van die selakant deur Prof. J.L.B. Smith
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
