| Outjo [boodskap #123257] |
Ma, 31 Desember 2018 15:50 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Outjo is 'n dorp in die in die Kunene-distrik in die noorde van Namibië (Suidwes-Afrika). Dit is die sentrum van 'n groot veeboerderygebied. Die dorp is 'n belangrike poort na die Etosha Nasionale Park. Die nabygeleë Gamkarab-grot is bekend vir sy stalagmiete, stalaktiete en pietersiet (stormsteen), maar is op privaat grond en nie oop vir die publiek nie.
Outjo beteken "klein koppe" in Herero en is in 1897 deur die Duitsers onder bevel van kol. Theodor von Leutwein as 'n militêre basis gestig. Die hoofdoel was om die noordelike gebied van Duitswes-Afrika verder te verken. Die plaaslike historiese museum (Franke Haus Museum) dokumenteer majoor Victor Franke se veldtog deur Ovamboland. Die Impalila-monument gedenk die strafekspedisie van majoor Victor Franke in Oktober 1914 teen die Portugese fort van Impalila in Angola. Dit volg nadat 'n Duitse afvaardiging wat gestuur is om 'n verdrag van nie-aggressie te onderhandel vermoor is.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
