| Mansvelt, Doktor Nicolaas [boodskap #122874] |
Thu, 27 December 2018 17:14 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Doktor Nicolaas Mansvelt was die eerste Superintendent-generaal van Onderwys in Transvaal. In 1852 in Wassenaar, Holland, gebore. Hy bekwaam hom as onderwyser en in 1874 ontmoet hy die beroemde Nederduitse Gereformeerde predikant van Suid-Afrika, J. Lion Cachet, wat weer 'n besoek gebring het aan sy geboorteland. Dit loop uit op Mansvelt se aanstelling op die personeel van die Gimnasium-seunskool op Stellenbosch. Hy begin belang stel in en skryf oor Afrikaans en word in 1890 aangestel as sekretaris van die nuwe S.A. Taalbond. Hy word die jaar daarop na Pretoria gestuur as Superintendent-generaal van Onderwys. Hy herorganiseer die hele stelsel en begin met die plaaslike opleiding van onderwysers. Met die beset van Transvaal in die Tweede Vryheidsoorlog het hy bedank en na Holland teruggekeer waar hy in 1933 oorlede is.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
