| Locke, Arthur D'Arcy ('Bobby') [boodskap #122747] |
Di, 25 Desember 2018 13:44 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Arthur D'Arcy ('Bobby') Locke was 'n Suid-Afrikaanse gholfkampioen. Op 20 November 1917 in Germiston, Transvaal, gebore. Hy begin gholf speel op baie vroeë leeftyd en in 1935 wen hy op 18-jarige ouderdom die Natalse, Transvaalse, die Suid-Afrikaanse Ope en die Suid-Afrikaanse Amateurkampioenskapstoernooi. Dit word die daaropvolgende jaar gevolg deur die Natalse Ope en die Britse Amateur-Ope. Van 1938 af het hy die Suid-Afrikaanse Beroepstoernooi 17 keer gewen. Afgesien daarvan dat hy die Kanadese, Franse, Egiptiese, Duitse, Ierse, Switserse, Hollandse, Meksikaanse, Australiese, Nieu-Seelandse en ander kampioenskappe gewen het, het Locke ook die Britse Ope vier keer gewen, in 1949, 1952, 1957 en 1959. Hy is die enigste speler, behalwe die beroemde Walter Hagen en Peter Thomson, wat dit kon regkry. Na 'n ernstige motorongeluk het hy internasionale gholf laat vaar.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
