| Klerksdorp [boodskap #122519] |
Sa, 22 Desember 2018 19:35 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Klerksdorp is die oudste dorp in Transvaal. In 1837 aan die Schoonspruit deur die Voortrekkers gestig en na een van hulle, J. de Clerq (J. se seun) vernoem. Die eerste dorpsgebied bestaan uit slegs 25 erwe en was bekend as die Oude Dorp. In 1886 word goud daar ontdek en 'n nuwe dorpsgebied ontstaan wat gou die een oorkant die rivier oorskadu. Daar was soveel welvaart dat hulle 'n eie Effektebeurs gekry het (gebou bestaan nog, maar nie meer as Beurs in gebruik nie). Ontsaglike bedrae geld is aan goudeiendomme daar naby bestee ingeslote Buffelsdoorn en Machavie. Wisselvallige neerslae en metallurgiese moeilikhede het die einde van die meeste van hierdie ondernemings beteken. Gevegte het tydens die Tweede Vryheidsoorlog naby Klerksdorp plaasgevind en op 9 April 1901 het die eerste onderhandelings oor 'n moontlike vredesverdrag tussen die verteenwoordigers van die twee Republieke hier plaasgevind. Dit het 'n vooraanstaande graanproduserende gebied geword. In 1932 was daar 'n groot oplewing in sy mynrykdomme ná die ontdekking van die Randse goudrifuitbreidings anderkant Randfontein. Groot ontwikkelings het sedert 1933 plaasgevind wat die opening van die Stilfontein- en ander ryk goudmyne insluit. Die dorp is nou 'n fabrieksentrum en groei vinnig. Bevolking teen die middel van die 20ste eeu: 52,825 (25,000 Blankes).
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
