| Kemp, Generaal Christoffel Greyling [boodskap #122468] |
Vr, 21 Desember 2018 19:45 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Generaal Christoffel Greyling Kemp was 'n Suid-Afrikaanse soldaat en kabinetsminister. In 1872 in Transvaal gebore. Gaan na die Staatsgimnasiumskool in Pretoria en kwalifiseer in 1889 as onderwyser. Twee jaar later aanvaar hy 'n pos in die Departement van Onderwys van die S.A. Republiek en word ook 'n luitenant in die Vrywilligerkorps van die Krugersdorpse distrik. Veg in naturelleveldtogte en teen die Jameson-invallers. Hy onderskei hom in die Tweede Vryheidsoorlog en word generaal. Met die vorming van die Verdedigingsmag in 1912 word hy 'n offisier en sluit aan by die 1914-Rebellie. Onderneem met sy eenheid 'n historiese trek deur die Kalahari-woestyn na die nederlaag van die Rebelle en bereik die Duitse gebied. Later het hy oorgegee aan die S.A. owerheid en is in die tronk gestop, maar weer in 1916 vrygelaat. In 1920 word Kemp L.V. vir Wolmaranstad en in 1924 Minister van Landbou en onder generaal Hertzog word hy Minister van Lande in 1936-39. Oorlede in 1946. Sy gedenkskrif het onder die titel Vir Vryheid en vir Reg verskyn.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
