Inligting Boodskappe: 4588 Geregistreer: November 2018
Karma: 1
Senior Lid
Kameelperde
Die kameelperd (Giraffa camelopardalis) is 'n soogdier van die familie Giraffidae. Hulle het kenmerkende lang nekke en relatief kort lywe. Die oorspronklike naam, Camelopard, het ontstaan uit die legende dat dit 'n kruis is tussen 'n kameel en 'n luiperd. Kameelperde, wat eens van die Oranjerivier tot by die Zambezi algemeen was, word nou in Suidelike Afrika slegs in Botswana (Betsjoeanaland), die Krugerwildtuin, Westelike Zimbabwe (Rhodesië) en Mosambiek aangetref. Van 'n aantal spesies is die algemene Suid-Afrikaanse spesies die G. camelopardalis capensis. Die dier is lief vir oop landskap waar daar volop blare van die kameeldoorn (Acacia) is. Die bul is ongeveer 5.6 meter (18 voet 6 duim) hoog en die koei ongeveer 4.9 meter (16 voet). Hy het twee klein horinkies en 'n onontwikkelde derde horinkie. Sy enigste wapen is sy hoewe, sy spoed en sy fyn sintuie. Navorsing is aan die Kaapstadse Universiteit in verband met sy bloedsomloop gedoen, met 'n oog op die voorkoming van beswyming by vlieëniers. Sien Soogdiere.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
.jpg)
