| Du Toit, Dr. Alexander Logie [boodskap #121705] |
Sat, 08 December 2018 05:01 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Dr. Alexander Logie du Toit was 'n Suid-Afrikaanse geoloog. In 1878 in Kaapstad gebore. Van Afrikaans-Skotse afkoms. Na studie aan die Diocesan College en die South African College gaan hy na Glasgow waar hy in 1899 as myningenieur kwalifiseer. Hy spesialiseer in geologie en word op 23 jarige ouderdom 'n lektor aan die Universiteit van Glasgow. In 1903 keer hy terug na Suid-Afrika om aan te sluit by die Geologiese Kommissie in die Kaap. Later was hy geoloog in die Departement Besproeiing en vir De Beers. Hy het wêreldwye aansien verwerf met sy deeglike en omvattende werk. In 1943 word hy gekies as 'n 'fellow' van die Royal Society en word 'n soortgelyke eer aangedoen in die Verenigde State. Sy beroemdheid berus hoofsaaklik op sy geskrifte oor drywende kontinente - 'n onderwerp waaroor hy verskeie epogmakende idees voortgebring het. In 1948 in Kaapstad oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
