| Dunn, John [boodskap #121697] |
Vr, 07 Desember 2018 18:08 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
John Dunn was 'n blanke opperhoof van die Zoeloes. Seun van Engelse ouers, gebore omstreeks 1836. Verloor sy vader op 14 jarige ouderdom en sy moeder kort daarna. Hy begin met 'n swerwersbestaan as 'n jagter. Nadat hy reisigers na Transvaal vergesel het, gaan hy in 1853 na Zoeloeland waar hy 'n bestaan maak deur olifante te skiet. Later wen hy die vriendskap van opperhoof Cetshwayo en in 1860 skiet hy na bewering die laaste oorlewende olifant in Natal. Hy het 'n merkwaardige kennis van die Zoeloe-sielkunde opgedoen en vestig hom in hulle land waar hy die status van 'n opperhoof kry. Baie vlugtelinge en ander stamlede het hulle in sy kraal, Emangete, gevestig wat na die anneksasie van Natal deur die Britte erken is as 'n naturellereservaat. Sy afstammelinge en voormalige onderdane het daar bly woon. John Dunn het 'n interessante weergawe van sy vroeë ondervindings geskryf, en is oorlede in 1895.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
