Inligting Boodskappe: 4588 Geregistreer: November 2018
Karma: 1
Senior Lid
Dias se twee skepe, die São Cristóvão en die São Pantaleão, waarmee hy om die suidpunt van Afrika geseil het.Bartholomeüs Dias (meer korrek Bartholomeüs Dias de Novaes) was 'n Portugese ontdekkingsreisiger en seevaarder. Omstreeks 1450 in Portugal gebore. In Oktober 1486 word Dias aangestel as gesagvoerder van 'n ekspedisie om 'n seeweg om Afrika na Indië te vind. Hy vertrek in 1487 vergesel van drie klein skepies en slaag daarin om 1,260 myl langs 'n onbekende kus te vaar. Onder die plekke wat hy aangedoen het, was Port Alexander, in Angola, Walvisbaai en Luderitzbaai. Hy sien die berge naby Clanwilliam, vaar om die Kaap die Goeie Hoop en land by Mosselbaai. Die verste punt van sy reis was naby die mond van die Boesmansrivier waar hy 'n klipkruis op Kwaaihoek oprig. Dit is in 1938 herontdek deur dr. Eric Axelson. Op sy terugreis, waartoe hy gedwing is deur 'n muitende bemanning, sien Dias die eerste keer die Kaap die Goeie Hoop. Hy het vermoedelik 'n maand lank in die Kaapse Skiereiland deurgebring. Hy kom weer in Desember 1488 in Lissabon aan. Oorlede in 1500.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
