| Die Besemheer [boodskap #5961] |
Vr, 15 Maart 1996 00:00  |
Frank Snyckers
Boodskappe: 68
Geregistreer: Maart 1996
Karma: 0
|
Volle Lid |
|
|
DIE BESEMHEER
Daar was 'n tyd, toe almal laf mog wees
En gek kon skeer, wat goed was vir die gees,
'n Tyd toe praatjies links en regs kon draai
En vinnig een- of anderkant toe swaai;
Die melk en heuning het toe dik gevloei,
En salig was die pret van poslysstoei.
Maar wee, o wee, toe kom die Besemheer,
Wat aaklig brul, en brom soos seervoetbeer;
Met tolerantie-pansers oor die plein,
Met mond wat kwyl, en o"e wat rol van pyn
Kom saai hy dood, kom veeg hy alles weg,
Want daar is dinge wat hy graag wil seg:
"O, ek ruik iets, wat hemelhoog fel stink,
Dis POTLATIJN! (As ek nou reguit dink),
Veeg voort, mijn tolerantie-besemspan!
Veeg voort: moet ALS verban, ja als verban,
En dit wat miskien POTLATIJN mag wees -
Maak martelfolterdood en klaar met kees.
Laat almal teen 'n muur sit, staan of val
Ons moet bewys, dat lewen sterven sal,
Vermetelheid! Om ons gesprek te sien
En glad nie eers te buig om ons te dien!
Hul luister niet, en haal ons verkeerd aan!
Hul vra ons domme vragen: HOE weerstaan?
Moet ek hul maak oor ALLES ewe Diets?
Weet hul dan NIKS, nie eers 'n bietjie iets?
My o"e raak seer, my vingers krom van skryf,
En snags kom gryp die rillings aan my lyf:
Ek droom ek's in 'n land van Potlatijn
En soggens gryp ek bew'rig na die wyn."
O wee, die Besemheer se koninkryk:
Op tolerantie-pale koppe pryk;
Bedags die brul, en snags die kermgesnik
En tussendeur die tolerantie-tik.
Maar deur besettingsmagte-heinings wink
Die VRYHEID wat met woorde graag rinkink.
Frank
|
|
|
|
| Re: Die Besemheer [boodskap #5976 is 'n antwoord op boodskap #5961] |
So, 17 Maart 1996 00:00  |
Dirk Veltkamp[2]
Boodskappe: 3
Geregistreer: Maart 1996
Karma: 0
|
Junior Lid |
|
|
Frank Snyckers skryf:
> DIE BESEMHEER
> ...
> Frank
Skitterend!
Dit het die atmosfeer in Dirk Laurie se "poslys-kroeg" sommer opgeklaar.
Dirk
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
