| " 'n Private ding " deur ROSA KEET [boodskap #65083] |
Vr, 26 Julie 2002 14:59 |
|
|
Oorspronklik gepos deur: @rogers.com
Rosa Keet
'n Private ding
vir Ann
en as ek dan nou móét doodgaan
begrawe my op 'n sandduin
tussen bossies met 'n uitsig oor die see
'n liter coke 'n karton sigarette
en 'n boek of twee
ek is nie baie windmakerig nie
maar 'n donskombers en 'n opblaasmatras
sal ook welkom wees
en anders as in die massagrafte by ur of dachau
(waar hulle die plek volprop)
dink ek 'n graf is 'n private ding
en is ek boon-op te egosentries
vir 'n grafskrif soos:
hier lê piet en jan en alleman en sy vrou en ensovoorts ensovoorts
buitendien kan ek, wanneer ek eensaam voel
altyd by iemand as gás gaan spook
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
