| berig [boodskap #127372] |
Ma, 05 Augustus 2019 19:27 |
 |
Leksikograaf
Boodskappe: 19491
Geregistreer: Maart 2019
Karma: 1
|
Senior Lid |
|
|
berig
Afbreking: be•rig
Selfstandige naamwoord: berig
Meervoud: berigte
Verkleinwoord: beriggie
Meervoud van verkleining: beriggies
Betekenis:
• 'n Mededeling oor 'n gebeurtenis; tyding, verslag of boodskap.
Gebruik:
• Hy lees 'n berig in die koerant.
• Sy ontvang 'n berig oor 'n sterfgeval in haar familie.
Sinoniem:
• bekendmaking
Hiponiem:
• doodsberig
• flitsberig
• geboorteberig
• handelsberig
• huweliksberig
• inlasberig
• koerantberig
• markberig
• mediaberig
• persberig
• radioberig
• nuusberig
• voorbladberig
• weerberig
Afgelei:
• beriggewer
• beriggewing
• berigskrywer
Vertaling:
Engels: message, report, article, notice, tiding
Nederlands: bericht
Werkwoord: berig
Verlede tyd: het berig
Teenwoordige deelwoord: berigtende
Betekenis:
• Van nuus voorsien; in kennis stel; laat weet; rapporteer; meedeel.
Gebruik:
• Die koerante berig almal oor dieselfde vervelige onderwerpe.
Vertaling:
Engels: to report, send word, notify
Nederlands: berichten
Nota:
• Moenie "berig" met "berug" (om slegte redes bekend wees) verwar nie.
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
