Leksikograaf Boodskappe: 19491 Geregistreer: Maart 2019
Karma: 1
Senior Lid
elkeen
Afbreking: elk•een
Voornaamwoord: elkeen
Betekenis:
• Elke item of individu van 'n groep.
Gebruik:
• God het die mensdom só liefgehad dat Hy sy enigste Seun gegee het sodat elkeen wat in Hom glo, nie verlore gaan nie, maar die ewige lewe sal hê. [Johannes 3:15]
Spreekwoord:
• Elkeen moet sy kruis dra. [Elkeen moet sy eie moeilikhede dra.]
• Elkeen dink sy uil is 'n valk. [Elkeen dink sy eie is die beste.]
• Elkeen is baas op sy eie erf. [Elkeen kan in sy eie huis maak soos hy wil.]
• Elkeen is homself die allernaaste. [Elkeen sorg vir homself heel eerste.]
• Elkeen is 'n dief in sy nering. [Elkeen sorg vir homself eerste.]
• As elkeen voor sy eie deur vee, sal die straat skoon wees. [As elkeen sy plig doen, sal daar baie verrig word.]
Sinoniem:
• elk
• ieder
• iedereen
Antoniem:
• geeneen
Vertaling:
Engels: each one, everyone, everybody, anyone
Nederlands: elkeen
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
