Betekenis:
• Probeer iets wat verlore/versteek is te vind; om op te spoor.
• Rusie wil maak; skoor soek; iemand opsetlik kwaad maak.
Gebruik:
• Help my om na my brille te soek.
• Jy soek vir my!
Spreekwoord:
• Witvoetjie soek. [Probeer om in iemand se guns te kom.]
• Rusie soek. [As jy iemand beledig, kan jy moeilikheid daarop verwag.]
• Soek herwaarts en derwaarts. [In alle rigtings soek.]
• Soort soek soort. [Persone met dieselfde karakter en belangstelling gaan graag met mekaar om.]
• Na 'n naald in die hooimied soek. ['n Onbegonne taak onderneem.]
• Wors in 'n hondehok soek. [Iets op 'n baie onwaarskynlike plek soek.]
• Spykers op laagwater soek. [Ongegronde aanmerkings maak.]
• Beter soek en slegter kry. [Gesê van iemand wat telkens van beroep verander.]
• Ek soek nie wat ek nie verloor nie. [Ek bemoei my nie met sake wat my nie aangaan nie.]
• Sit op die kol, soek na die kol. [Gesê vir iemand wat vlak teen 'n voorwerp is wat hy soek.]
• As jy self agter die deur staan, soek jy 'n ander ook daar. [Jou eie gebreke sien jy maklik in 'n ander ook raak.]
Verwant:
• soeke
• soekgebied
• soeklig
• soektog
Vertaling:
Engels: to search, seek
Nederlands: zoeken
] 
Supertaal
Blog
Soek
Hulp
Lede
Registreer
Teken aan
Tuis
