Leksikograaf Boodskappe: 18927 Geregistreer: Maart 2019
Karma: 1
Senior Lid
goed
Afbreking: goed
Uitspraak: /χut/
Byvoeglike naamwoord: goed
Vergrotende trap: beter
Oortreffende trap: beste
Attributief: goeie
Partitief: goeds
Intensief: bittergoed, doodgoed
Betekenis:
• Soos verlang kan word; met die verlangde, verwagte hoedanighede; regte eienskappe.
• Eerbaar; moreel; beskaaf; onbesmet.
• Goedhartig; jammerhartig; vriendelik.
• Sterk, gesond of mooi; in goeie kondisie.
Gebruik:
• Hy is 'n goeie boer.
• Sy is 'n goeie mens.
• Hulle is goed vir hul diere.
• Die bees lyk goed.
Spreekwoord:
• Hy is goed af. [Hy is welgesteld.]
• Iemand goed die waarheid vertel. [Iemand berispe.]
• Hy sal goed en bloed opoffer. [Hy sal alles vir die saak doen.]
• Goed begin, is half gewin. [As die begin goed is, is die kans dat jy sal slaag soveel beter.]
• Alte goed is andermansgek. [As jy te goedhartig is, word jy bespot.]
• Die belofte is goed, maar die eend lê die eier. [Praat is nie belangrik nie, maar die doen van die saak.]
• Die heler is so goed soos die steler. [Wie gesteelde goed in ontvangs neem, is net so strafbaar soos die dief.]
• Einde goed, alles goed. [As alles goed afloop, vergeet 'n mens al die moeilikheid verbonde aan die saak.]
• Haastige spoed is selde goed. [Deur te groot haas mis 'n mens dikwels jou doel.]
• Hy is goed aangeklam. [Dronk.]
• Hy het die bottel goed aangespreek. [Hy is dronk.]
• Hy het die saak goed bewimpel. [Kom nie reguit met die waarheid uit nie.]
• Hy is net goed om die dood te gaan haal. [Baie stadig wees.]
• 'n Leuen in nood is so goed soos 'n stukkie brood. ['n Leuen om jouself of ander uit die moeilikheid te help, kan dalk verskoon word.]
• 'n Man van toet, was hy beter dan was hy goed. ['n Niksbeduidende persoon.]
• Spaar vir die mond is goed vir die kat en die hond. [Wat jy jouself nie gun nie, ly jy dikwels skade.]
Selfstandige naamwoord: goed
Meervoud: goedere, goeters
Verkleinwoord: –
Meervoud van verkleining: goedjies
Betekenis:
• Allerhande voorwerpe. 'n Versameling besittings, items, dinge.
Gebruik:
• Hy het al sy goed in die brand verloor.
• Die beeste lyk uitgeteer, gee jy die goed kos?
Spreekwoord:
• Gesteelde goed gedy nie. ['n Mens is nie voorspoedig met besittings wat oneerlik verkry is nie.]
• Vat jou goed en trek, Ferreira. [Loop, maak dat jy wegkom.]
• Ver van jou goed, naby jou skade. [As jy nie self jou sake behartig nie, moet jy verliese verwag.]
] 
Supertaal
Blog
Soek
Hulp
Lede
Registreer
Teken aan
Tuis
