Leksikograaf Boodskappe: 20278 Geregistreer: Maart 2019
Karma: 1
Senior Lid
een
Afbreking: een
Hooftelwoord: een
Betekenis:
• Die getal 1;
• Een meer as nul en een minder as twee.
• 10 tot die mag 0.
Gebruik:
• Kan ek een suigstokkie kry?
• Een van die twee drielinge vier op die vyfde van die sesde maand sy sewende verjaarsdag.
Spreekwoord:
• By die een oor in en by die ander uit. [Gou vergeet wat jy gehoor het.]
• Een maal in 'n blou maand. [Selde.]
• Een voet in die graf hê. [Baie oud wees; dodelik siek wees.]
• Baie mak skape gaan in een kraal. [Vredeliewende mense kan maklik saamwoon.]
• Een blinde kan nie 'n ander lei nie. [Een onkundige persoon kan nie 'n ander help wat ook niks weet nie.]
• Hulle eet nie uit een bak nie. [Hulle kom nie met mekaar klaar nie.]
• Hulle is kop in een mus. [Beplan dinge saam.]
• Hulle sit langs een vuur. [Van dieselfde mening wees.]
• Hy is een uit 'n duisend. [Iemand met voortreflike eienskappe.]
• Hy praat een stryk deur. [Sonder ophou.]
• Rome is nie in een dag gebou nie. ['n Groot werk kom langsaam tot stand.]
• Ses van die een en halfdosyn van die ander. [Dieselfde ding.]
• Soos een man. [Almal saam; eenparig.]
• Een swaeltjie maak nie die somer nie. [Uit een enkele geval kan nie 'n algemene gevolgtrekking gemaak word nie.]
• Een voël in die hand is beter as tien in die lug. [Wat seker is, is bo die onsekere te verkies.]
Verwant:
• eerste
Vertaling:
Engels: one
Nederlands: een
Selfstandige naamwoord: een
Meervoud: ene, eens
Verkleinwoord: enetjie
Meervoud van verkleining: enetjies
Betekenis:
• Die kleinste heelgetal of dit wat dit verteenwoordig.
Gebruik:
• Wil jy die een of daai een hê.
Afgelei:
• eenheid
• eenuur
Vertaling:
Engels: one
Nederlands: een
Byvoeglike naamwoord: een
Betekenis:
• 'n Sekere; dieselfde.
Gebruik:
• Een aand het hy laat gaan slaap.
Vertaling:
Engels: one
Nederlands: een
Voornaamwoord: een
Betekenis:
• Iets of iemand.
Gebruik:
• Daardie een is mooi.
Vertaling:
Engels: one
Nederlands: een
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
