Radiospeler Radiospeler
 
Supertaal
Kom praat saam!

Tuis » Taal » Woordeboek » spits
spits [boodskap #137333] Sa, 24 Julie 2021 11:08
Leksikograaf  is tans af-lyn  Leksikograaf
Boodskappe: 18629
Geregistreer: Maart 2019
Karma: 1
Senior Lid
spits
Afbreking: spits


Selfstandige naamwoord: spits
Meervoud: spitse
Verkleinwoord: spitsie
Meervoud van verkleining: spitsies

Betekenis:
• Die boonste of verste skerp deel van 'n voorwerp; punt; top; piek.

Gebruik:
• Dit is die haan wat op die spits van die kerktoring staan.

Spreekwoord:
• Op die spits dryf. [Tot die uiterste voer.]
• Aan die spits staan. [Die leiding neem.]

Afgelei:
• bergspits
• spitsbaard
• spitsberaad
• spitsboog
• spitsdak
• spitskop
• spitspunt
• spitstyd
• spitsuur
• spitsverkeer
• toringspits

Vertaling:
Engels: peak, point, summit, tip, pinnacle, apex
Nederlands: spits


Byvoeglike naamwoord: spits
Vergrotende trap: spitser
Oortreffende trap: spitsste
Attributief: spits

Betekenis:
• Wat in 'n skerp punt eindig; puntig of spitslopend is.
• (figuurlik) Wat skerpsinnig is; vlymskerp reageer.

Gebruik:
• Die berg is nogal spits.
• Hy het ook altyd 'n spits antwoord gereed.

Afgelei:
• spitsheid
• spitsvondig

Vertaling:
Engels: pointed, sharp
Nederlands: spits


Werkwoord: spits
Verlede tyd: het gespits

Betekenis:
• Laat regop staan, of figuurlik, fyn luister.

Gebruik:
• Die haas spits sy ore.

Spreekwoord:
• Hy spits sy ore. [Hy luister aandagtig.]

Afgelei:
• toespits

Vertaling:
Engels: to focus, listen carefully
Nederlands: spitsen

Laat weet asb as die inskrywing foute bevat of verder verbeter kan word.
Vorige onderwerp: geestelik
Volgende onderwerp: heelaand
Gaan na forum:
  

[ XML-voer ] [ RSS ]

Tyd nou: Vr Mar 29 05:05:33 MGT 2024