Leksikograaf Boodskappe: 18794 Geregistreer: Maart 2019
Karma: 1
Senior Lid
'n Hond wat blaf.blaf
Afbreking: blaf
Werkwoord: blaf
Verlede tyd: het geblaf
Teenwoordige deelwoord: blaffende
Betekenis:
• Een van die geluide wat 'n hond maak ('n hond kan ook knor, grom of tjank).
• (figuurlik) Hard en aanhoudend hoes of radeloos skree.
Gebruik:
• Die hond blaf vir die koerantman.
• Wat blaf jy so vandag?
Spreekwoord:
• Teen die maan blaf. [Vergeefse pogings aanwend.]
• Sy blaf is erger as sy byt. [Hy dreig meer as wat hy werklik doen.]
• Dit help nie om te blaf as jy nie kan byt nie. [Moenie leë dreigemente maak nie.]
• Hy blaf met alle honde saam. [Geen eie mening hê nie en ander napraat.]
• Wie honde het, blaf nie self nie. [As 'n mens ander het om te beveel, doen jy nie self die werk nie.]
• Blaf saam met die honde en huil saam met die wolwe. [Stem met persone van verskillende menings saam.]
• Kommandeer jou eie honde en blaf self. [Doen self wat jy voorstel en moenie verwag ander moet dit doen nie.]
Vertaling:
Engels: to bark; to yelp, cough
Nederlands: blaffen
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
