| Baske [boodskap #127442] |
So, 11 Augustus 2019 14:36 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Die Baske is mense wat aan weerskante van die Pireneë woon, in Noord-Spanje en Suidwes-Frankryk, en hul afstammelinge elders, veral in Argentinië. Die Baske is ’n merkwaardige ras en het baie ou tradisies, volksdanse, spele en begrafnisgebruike. Hulle praat Baskies (Euskara) ’n taal wat met geen ander taal in Europa verwant is nie, en hulle is buitengewoon godsdienstig (Rooms-Katoliek). Die mans is uitstekende soldate, goeie boere en waaghalsige seelui; baie van hulle was ontdekkingsreisigers. Ignatius Loyola, die stigter van die Jesuïete-orde, was ’n Bask; ook Franciscus Xaverius, die 16de-eeuse sendeling.
Met die Baskiese provinsies word bedoel die deel van Noordoos-Spanje vandag bekend as die provinsies Guipúzcoa, Vizcaya (Biskaje) en Álava.
Bron: Die Afrikaanse Kernensiklopedie, J.P. Scannell (red.), 1965
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
