Gesellig Afrikaans
Waar ons vriendelik en gesellig saam kuier!

Tuis » Taal » Prosa & poësie » Re: 'n Gedig van GERT VLOK NEL.
Re: 'n Gedig van GERT VLOK NEL. [boodskap #120208] Do, 25 Desember 2014 17:33
Anton Raath[2]  is tans af-lyn  Anton Raath[2]
Boodskappe: 2
Geregistreer: April 1997
Karma: 0
Junior Lid
On Monday, October 28, 1996 10:00:00 AM UTC+2, Izak Bouwer wrote:
> Somtyds neem digters vryhede met die taal. So 'n digter
> vat 'n kans dat wat hy doen nie altyd suksesvol sal wees nie.
> Die volgende gedig, waar Gert Vlok Nel groot risiko's neem
> beide stilisties en in sy woordgebruik, is myns insiens baie
> suksesvol.
>
> OM TE LEWE IS ONNATUURLIK
> Eenvoudige spoorwegstories.
> Deur Gert Vlok Nel
> Tafelberg, 1993
>
> oproep
>
> Goegie was veraf vandag
> vandag toe ek hom bel
> en vanuit die kruik vertel
> heel godse dag gesit en paint sê hy
> toe in die kar geklim, toe berg toe gefokkenry
> kaalgat vleis gebraai hoog bo iewers oers
> by galopping van einders, toringing (w(o(l(k(e
> toe in die kar geklim en terug gery
> toe veraf geklink vir my.
>
> desember & see
>
> groteske wolke beweeg bo-oor die toneel
>
> ons twee arme spoowegdo^ners op hermanus -
> dit het die heel eerste aand subkultureel wreed geree"n
> oral om i army-bivvy. i halwe afstand van ons in mis
> het rykes in i fokkenmansioninthesky (in die heelal)
> gedine & wine. ek wou nie dat jy kyk & sien nie.
> dalk sou hulle brutaal brood drink en vir ons
> wyn gee.
>
> dit was ons eerste outing see toe, op 16 & 22.
> vanaf beaufort. lift hermanus toe. Attie my broer
> en ek. jy't stormy weather gesing in die nag as
> bevestiging & vergissing. maar summertime sou
> nie beter gedoen het nie. stilte ook nie. sundown
> was i moerse comedown. "nag At," het ek gesê.
> "Ja"
>
> 5-uur het ons verwater & wild op die strand uitgehol,
> jeans & truie, saam met windsurfers in wetsuits. dit
> was haunting. hemel & fokken aarde toegewrap in wolk. ons
> was gou warm, t.s.v. die kak drizzle. ek
> wou iets (die oggend) vergestalt in rots of rym
> maar het alreeds alles weggegee
> aan herhinnering & pyn
>
> om nou, got-jare later, te berg uit vadems donker
> trog, vasgenael teen dek en maspaal, vloekende hollander
> elke keer wat ek bo-oor kruis, of
> ek herrangskik freneties
> dekstoele. of preweling. of ek bid tot got, ons hotnotsgot.
> of iets At maar die' belowe ek jou At:
> rym se moer:
>
> ons het een dag gebly: dit was aand
> en natuurlik mo^re. daar was lig. "dis die 1ste
> dag van die res van ons lewe," kon ek sê.
> dit was die 2de oggend op die 3de planeet van die son.
> ons het verwoed weggehaaik, in triest, na die beaublou
> van die kro, en die ekwilibrium van oe". ek ril
> by herinnering ana hoe ons gereis het, hoe ons gekyk het
>
> 1) ons het gehaaik. 2) ons het onrus gehaal.
> een twee drie dis i kak plek die moes ons sing
> bo-oor die STEREO van die nice holes of ass wat ons
> opgelaai het. in opgeboude kombi. ons het by enige huis geklop.
> "kom in" het jan rabie gesê. (lieflike radyse in die hand.)
> in die hoek het ettienne leroux soos i soutpilaar gesit, saam met
> elizabeth, sy lot. sy blik
>
> was toegetrek. hy't ons en jy't hom nie herken nie.
> "ons soek Daan verwey, i pel van ons," het ons gesê.
> teen uitgebasterde aand was ons op die plato, in fatale
> ree"n, by matjiesfontein, teen 160k.p.u. ons kopligte
> het getippex oor opgehewe heuwels, vae huise, petite lig.
> 3) ek onthou vanaand At, vir wat dit was, jou blik:
> om te lewe is onnatuurlik.
>
>
> Ek vind veral baie mooi die deel van die gedig waar
> hy sê "dit was aand en dit was mo^re...dis die 1ste
> dag...dit was die 2de oggend op die 3de planeet van
> die son." Om met soveel gemak Bybelse verwysings
> in te werk, is die werk van 'n ware digter.
>
> Gloudina Bouwer

Daggarympies , byna
Vorige onderwerp: Matriek Gedig
Volgende onderwerp: " gebed van 'n groen perske " deur ANNESU DE VOS
Gaan na forum
  

[ XML-voer ] [ RSS ]

Tyd nou: So Jan 20 15:01:26 UTC 2019