| Anargisme [boodskap #125160] |
Wo, 20 Maart 2019 06:16 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Anargisme is 'n samelewing sonder regering of enige dwang. Voorstanders van die anargisme (die sogenaamde anargiste) gaan uit van die veronderstelling dat die mens goed is van nature en dus geen gesag bo hom nodig het nie. In die spreektaal word die term anargie as 'n samelewing verwar met 'n ander betekenis van die begrip, naamlik chaos of wanorde/ verwarring. Die term sosiale anargisme poog om hierdie verwarring te bestry.
As 'n politieke beweging ontstaan die moderne anargistiese beweging rondom 1860 as 'n afwenteling van sosialisme. Die belangrikste verskil tussen die twee bewegings is dat anargisme ook enige vorm van sentrale gesag na die rewolusie verwerp. Baie anargistiese bewegings stem egter saam dat die produksiemiddele gesamentlik besit moet word.
Volgens anargiste lei enige vorm van gesag tot onderdrukking en dit is beter om 'n regering in die vorm van klein outonome (selfregerende) gemeenskappe te hê. Dit funksioneer op grond van vrye assosiasie en gelykheid van die deelnemers. Voorbeelde hiervan is voetsoolvlak- en basiese demokrasieë, soos byvoorbeeld die manier waarop aksiekampe georganiseer word, of vergaderings tydens anti-globalistiese protes. Besluitneming deur konsensus, organisasie in basiese groepe en outonomie van deelnemers is die riglyn hier.
Bron: Die Afrikaanse Kernensiklopedie, J.P. Scannell (red.), 1965
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
