| " Avondmaal " deur W.E.G. LOUW [boodskap #76299] |
Vr, 18 April 2003 02:18 |
|
|
Oorspronklik gepos deur: @rogers.com
Uit "Die passie van ons Heer"
W.E.G. Louw
Avondmaal
Daar was 'n stilte in die oppersaal
toe Hy met sterk, verhewe hand Hom draai
en sê: "Die man wat My vannag verraai,
sit saam met My aan hierdie avondmaal...."
In twyfel het hul daardie woord herhaal
en wis nie dat hul vóór die hanekraai
soos blare van 'n boom van Hom sou waai...
Maar één was doodsbleek teen die lampestraal!
Toe het hy brood geneem en God gedank,
dit met die hand gebreek en dit geseën:
die beker het Hy boordevol gegooi
met wyn wat dartel was en vonkelrooi -
maar, hoog gehou, was in geen hand voorheen
ooit wyn so rooi, ooit aardse brood so blank!
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
